Feeling
"La, birthday ko lang naman po iyan. Ba't kailangan pang maghanda ng marami?" Nakanguso kong mungkahi kay lola habang bumubuntot sa kanya rito sa bayan. Mamimili kami ng ihahanda ko bukas.
"Tigilan mo nga ako sa pagiging kuripot mo, Aly! Hindi lang basta bastang birthday mo. Debut mo!"
Bumusangot ang mukha ko. Ano bang kaibahan niyan sa iba kong birthday eh madadagdagan lang naman ng isang taon ang edad ko. Wala namang espesyal doon. Oo, ganap na akong dalaga pero kailangan ba talagang paghandaan iyon ng bongga? Hindi ko naman siguro ikakamatay kung hindi ako makakapaghanda sa debut ko. Hindi naman siguro nito mahahadlangan ang pagdadalaga ko.
"Kahit na. Sayang iyong pera! Idagdag mo nalang yan sa ipon ko, la!" Suhestyon ko na ikinalingon ni lola sa akin at gusto na ata akong
