Naglalakad ako pauwi ng hapong ito at gaya ng mga nagdaang araw ay lutang ang aking isip. Laman ng isip ko si Senyorito Devin sa tuwina at hindi ko alam kung magiging maayos pa ba ako sa mga susunod na araw.
Nagbago na siya. Hindi na niya ako gusto. Siguro naisip niya na nagsasayang lang siya ng oras sa akin pero wala naman pala siyang mapapala in the end. Pakipot ako kahit gusto ko naman siya.
Eh kasi naman, ipinagkasundo na siya sa iba. Dito pa lang ay hindi na dapat ako umasa.
"Ara…"
Nahinto ako sa aking paglalakad at nilingon si Edmar na tumatakbo palapit sa akin. Pauwi na rin pala siya, akala ko tatambay pa siya sa school at magpa-practice ng basketball. Malapit na ang foundation at alam kong pinaghahandaan ng bawat estudyante ang pagsapit ng araw na ito. Hindi lang dahil sa iba
