Ilang oras na akong nag-aabang kay Farrah dito sa may garden ngunit ni anino niya ay hindi ko makita. Kaninang umaga pa iyong huli kong kita sa kanya at ewan kung ano'ng pinagkakaabalahan niya at hindi ko siya nakita sa loob ng mansion. Kaya naman sa labas ako tumambay at pasimple na inaabangan ang pagsulpot niya. Kaya lang, hanggang ngayon ay wala pa ring Farrah na nagpapakita sa akin.
Nais ko pa naman malaman kung nagustuhan ba niya ang regalo na palihim ko pang ipinalagay sa kwarto niya kaninang hapon. Kinutsaba ko pa si Yaya Daleng na siyang pinakamalapit sa akin na katulong namin para ilagay ito roon. Kung ituring ako ni Yaya Daleng ay parang kadugo kaya may tiwala ako na hindi niya ichichismis sa iba ang pagbibigay ko ng malaking kahon ng regalo kay Farrah. Sabagay, hindi naman sigu
