Kanina pa palakad-lakad si Hayden sa loob ng kanyang kuwarto. Hindi ito mapakali dahil hanggang ngayon ay hindi pa rin tumawag ang kanyang Uncle Alex. Napasabunot si Hayden sa kanyang makapal na buhok hindi maintindihan ng binata ang sarili nito, kinakabahan siya sa posibleng mangyari sa Lola Amy niya. Alas onse pasado na ng gabi ngunit hindi pa rin makontak ang uncle niya. Ilang saglit lang ay tumunog ang kanyang phone, nagmamadaling sinagot ni Hayden iyon. “Pasensiya ka na naubusan ng battery ang cellphone ko kaya namatay, maayos lang si mama pero kailangan daw siya e monitor tapos na rin kami nag pa x-ray maayos ang lahat kaya ipanatag mo ang iyong kalooban. Kausapin mo muna siya para hindi ka mag-alala diyan.” Nakahinga naman si Hayden ng maluwang nang marinig ang sinabi ng uncle nito.
