Nakasanayan na ni Lara ang araw-araw nilang set up sa pagkain. Katulad parin ng dati hindi sumasabay si Draco sa kaniya at talagang pinangatawanan na nito ang pagiging si muning. Ayaw ng binata na maging kahiya-hiya siya kay Lara kaya sinisekreto niya rito ang pagkain.
Sa tanghalian at sa hapunan lang naman kumakain si Draco, hindi ito nag-aalmusal dahil tanghali na rin ito kung bumangon. Alam ni Lara ang dahilan, madalas kasi ay nagigising siya sa madaling araw, naririnig niya ang pagbukas ng pinto sa kabilang silid, ang ginagawa niya ay sumisilip siya sa maliit na siwang ng kaniyang pinto. Nakikita niya si Draco na bumababa ng hagdan, kapag nakababa na ito ay dumidiretso naman siya sa terrace para tanawin ang binata. Binubuksan nito ang pang-taong gate at lumalabas. Hindi niya alam ku
