Habang hinihintay ni Lara na mapuno ang iniipon niyang tubig sa swimming pool ay inabala muna niya ang sarili sa paglalaba. Masuwerte siya at may automatic washing machine sa bahay na iyon kaya hindi na niya kailangan pang magkusot ng mga damit, pati na mga sapin at kumot. Matapos niyang isalang ang mga labahan ay iniwanan muna niya ito. Mahigit isang oras ang lumipas bago niya ito binalikan. Tapos nang umikot ang makina at na-dryer na ang mga labahan ng datnan niya. Ang kailangan na lang niyang gawin ay pahanginan ang mga ito nang konti para matuyo ng husto.
Ilang oras din ang pinaghintay niya bago tuluyang mapuno ang tubig sa pool. Tuwang-tuwa siya ng makita kung gaano kaganda ang kinalabasan ng pinaghirapan niyang linisin ng ilang araw.
Alas sais na ng hapon iyon, malapit nang lumubog
