CARMELA
Hindi ko namalayan na naka-tulog pala ako dahil sa sobrang sakit ng puson ko. Nang magising ako ay may nakahanda ng pagkain sa side table. May gamot rin para maibsan ang sakit sa puson ko. Iyon ang ininom ko. Wala akong ganang kumain kaya humiga pa rin ako sa kama ko. Hindi rin naman ako inaantok kaya nakatulala lang ako sa kisame.
Dahan-dahan akong bumaba sa kama para pumunta sa labas. Pero nagulat ako dahil nakaupo si Oliver sa may couch habang seryosong nakatutok sa laptop niya. Hindi ba siya pumasok sa kumpanya niya? Hindi ko siya pinansin at pumasok na ako sa kusina. Pero nagulat na lang ako dahil bigla na lang siyang nasa likuran ko. Para akong nanigas sa kinatatayuan ko. Nararamdaman ko ang mainit niyang hininga sa batok ko.
“Kumusta ang pakiramdam mo?” Tanong niya sa aki
