Kaagad akong nag-iwas ng tingin. At tumayo upang tunguhin ang pinto. Hindi ko alam pero parang sumikip ang kwarto ni Ate dahil nandito kaming tatlo. Hindi ko na pinansin ang reaction ni Noah sa ginawa ni Ate pero wala na akong balak na makita pa yun. Ang gusto ko na lamang ay lumabas at bumalik sa aking kwarto. Pero bago pa ako makalabas sa pinto ay may humawak na sa kamay ko.
“Hindi ko siya hinalikan…” Wika niya sa akin. Alam ko naman na si Ate ang humalik sa kanya. Pero wala naman siguro akong karapatan na hingin ang paliwanag niya. Sino ba ako sa buhay niya?
“A-ah, eh sige! Salamat sa paghatid kay Ate. Bababa muna ako, dalhan ko na lang si Ate ng tubig.” Paalam ko sa kanya sabay hila ko sa aking kamay. Bumilis na naman ang t***k ng aking puso. Pero hindi kagaya ng kanina. Hindi ko a
