“Cristine hindi kita hinalikan! Ikaw ang humalik sa akin.” Depensa ni Noah. Umiwas ulit ako ng tingin dahil hindi na ako komportable sa usapan nilang dalawa. Kinuha ko ang phone ko para abalahin ang sarili ko. Baka kasi isipin nila na nakikinig ako sa usapan nilang dalawa. Lalo pa at ramdam kong naiinis na rin si Noah dahil kay Ate.
“Ano ka ba! Itanong mo pa kay Emerald, nakita niya kaya na hinalikan mo ako kagabi bago ka umalis kaya wag ka ng tumangi. Okay lang naman sa akin dahil magiging future hubby din naman kita.”
Napa-angat ako ng tingin kay Noah. Matalim na tingin ang ipinukol niya sa akin. Hindi ko rin naman akalain na sasabihin yun ni Ate. Dahil wala naman akong sinabi na hinalikan siya ni Noah. Ang alam ko kasi siya ang kumabig kay Noah.
“Hindi ko hinalikan ang Ate mo Emer
