Kinabukasan alas kwatro pa lamang ng madaling-araw ay nasa palengke na sila kasabay si Mang Emong at Esteban. Si Gabriel kasi ay palaging nauuna dahil umeekstra pa ito sa iba katulad ni Carlota.
Maaga nga siyang nag-asikaso para magtungo sa palengke, maging isusuot niya ay matagal bago niya napagdesisyunang kung alin ang isusuot sa mga pinagpipilian niya. Hindi na nga siya nagsuot ng uniform na palagi niyang isinusuot sa trabaho para naman mas maging pogi pa siya sa mata ni Carlota at tiniyak niyang mabango para naman kapag nakatabi niya si Carlota, wala itong masabi.
"Nasaan na kaya ang dalawang iyon?" tanong ni Mang Emong.
"Sir, Mang Emong!" Sigaw ni Gabriel na noon ay papalapit na pala sa kanila.
"Gabriel ikaw pala nasaan na si Carlota? Hindi mo pa ba siya nakita?" Tanong ni Man
