Hindi makapaniwala si Carlota sa sinabi ng kanyang kapatid na si CJ. Ngunit isang patunay ang naririnig niyang tumutugtog ng gitara at may kumakanta pa sa labas ng kanilang bahay. Kung hindi siya nagkakamali isang sikat na lumang awitin na palaging ginagamit ng mga kabinataan noon kapag nanghaharana noong unang panahon.
"Labasin mo na sila anak, kapag nakatapos na silang kumanta saka mo na sila papasukin dito at alukin mo ng makakain. Ganyan ang ginagawa namin ng iyong mga Tiyang kapag may mga nanghaharana sa amin noon. Nakakatuwa namang isipin na kahit na sa makabagong panahon na tayo ngayon ay naisipan pa rin Solomon na iparanas sayo ang makalumang panliligaw," mahabang pahayag ng kanyang nanay, mababakas sa mukha nito ang kasiyahan.
Hindi na siya sumagot sa kanyang nanay, bagkus tu
