Mukhang alam na ni Carlota kung kanino nagmana si Solomon sa galawang hokage nito. Hindi pa nga niya sinasagot ang anak nito dahil isang araw pa lamang na nanliligaw heto at balak na palang mamanhikan sa kanya bukas.
"Naku kayo naman po Tito napaka-mapagbiro niyo po pala. Mabuti pa po eh dito na po tayo sa loob para makausap nyo din po si Nanay," natatawang ayaw muli niya sa mga ito.
"Sorry," narinig niyang mahinang turan ni Solomon sa kaniya sabay kindat ng isang mata. Awtimatiko namang napangiti siya dahil nabatid niya na hindi nito alam ang balak na iyon ang ama.
Nagpatiuna na siyang pumasok sa loob para hindi na makapagsalita pa ang tatay ni Solomon. Nakita naman niya na lumapit na si CJ at si Katrina kay Solomon at humawak sa tig kabilang braso nito ang dalawa.
"Magandang gabi
