Pagkatapos ng medyo intense na tagpong iyon dahil sa pagmamadali ng Papa ni Solomon kay Carlota, naging maayos naman na ang lahat sa kanila. Hindi matatawaran ang kasiyahng nadarama ngayon ni Solomon. Biruin mo, akala niya ay matatagalan pa bago siya sagutin ni Carlota. Pero ngayon, heto naging sila na ng wala sa oras. Bukas na din mamamanhikan na sila para pag-usapan ang kanilang kasal ng matatanda. Nakakagulat ang angking bilis ng kanyang Papa, natupad nga ang sinabi nitong bukas na bukas din ay mamamanhikan na sila.
Hindi pa sila nagkausap ng maayos ni Carlota ng tungkol sa nangyari sa kanila pero talagang lubos niyang ikinatuwa ang pagpigil nito sa kanyang umalis at ang pagsang-ayon nito sa nais ng kanyang Papa. Ibig sabihin lamang nito may nararamdaman din talaga ito sa kanya. Hindi
