Matapos naming magpaalam sa tatay ni Ma'am Joy ay muli kaming sumakay sa sinakyan naming rubber boat papunta rito upang bumalik sa Mi Amour.
Nang makasampa na kami sa yate ni Kenzo ay himalang may mga naghihintay sa aming mga tauhan niya.
Sila iyong kumuha ng rubber boat upang muling isakay sa yate at ilang saglit lang ay umandar ang sinasakyan namin pasalungat sa direksiyong tinatahak ng pinanggalingan naming kinaroroonan nina Ma'am Joy.
Mabuti na rin ang ganito at nang makalayo kami sa ingay ng kasiyahang nagmumula sa panig nila.
"Ipahahanda ko ang mga dala nating pagkain," wika ni Kenzo. Ginawaran niya muna ako ng halik sa noo bago lumapit sa isa sa mga tauhang nasa paligid bitbit ang ipinabalot ko sa kanya.
Nag-utos pa talaga iyong si Sir Frank para balutan kami ng mga pagkaing g
