Gustuhin ko mang buong araw na panoorin ang nakakabusog sa matang kagwapuhan ni Kiro ay mas pinili kong busugin ang tumutunog kong tiyan para naman manahimik na ito kasi nakakahiya na ganitong may kasama kang gwapo tapos biglang magkalampagan ang mga alaga ko sa tiyan.
Wala nang intro-intro pa at nilantakan ko agad ang mga pagkaing dala ni Kiro. Nakaka-tats talaga dahil dinalhan ako ni Kiro ng halos pang-isahang linggong dami ng iba't ibang klase ng pagkaing handa. Di ko tuloy lubos maisip kung paano niya nabitbit lahat ng ito habang pinanatili ang pagiging gwapo. Kung iba kasi ang makitaan kong may bitbit ng ganito karaming pagkain ay tiyak mapagkamalang di imbetado sa handaan pero may balak pang magbalot.
Habang takam na takam kong pinagtitikman bawat putaheng dala niya ay naupo naman
