[Paris' pov]
Napatingin ako sa aking side mirror nang mapansin ang isang pamilyar na kotse na tila kanina pa nakasunod sa akin. Napabuntong hininga na lamang ako nang makilala kung sino ang nagmamay-ari nito.
Kailan ba ako titigilan nina Hannah?
Buti na lamang ay day off ko ngayon sa restaurant at papunta sana ako ng mall para bumili ng ilang bagay at pagkain. Ngunit gayun pa man ay hindi ko nagugustuhan ang pagsunod sa akin ng aking mga kaibigan. Alam ko na nag-aalala sila pero hindi nila kailangan bumuntot sa akin.
Sasabihin ko naman sa kanila ang totoo sa tamang panahon.
Niliko ko ang takbo ng aking kotse at dumaan sa isang masikip na eskinita. Nais ko iligaw sila. Kilala ko rin si Hannah dahil hindi iyon papasok sa mga ganitong kalye sa takot na magasgasan ang kotse niya. Ngunit h
