ELLA
BINUBUKSAN KO PA lang ang pinto ay abot-abot na ang kaba ko. Taimtim akong nanalangin na sana'y mali si Valeen at mahimbing nang natutulog ang lalaking 'yon.
Kapag pinarusahan ka, tanggapin mo na lang. Napailing ako sa kalokohan ni Valeen. Sabi ko na nga ba, ako ang malilintikan sa gawa-gawa niyang pang-aasar sa kapatid.
Hindi na puwedeng maulit ang nangyari sa amin dahil baka pagsisihan na naman niya kinabukasan.
Isang buntong-hininga ang pinakawalan ko bago hinawakan ang doorknob at dahan-dahang itinulak pabukas ang pinto. Ingat na ingat ako para huwag lumikha ng ano mang ingay.
Nang tuluyan akong makapasok, sumalubong sa akin ang madalim na sala. Tulog na siguro iyon. Baka pinagloloko lang ako ni Valeen na kunwari gising pa ang kapatid niya. Sa isiping 'yon ay medyo nabawas
