ELLA
“KUMUSTA NA kayo d’yan, 'Nay? Si Tatay? Ang mga kapatid ko ho, kumusta?” Tinawagan ko si Nanay para mangumusta.
Dati si Evelyn ang tinatawagan ko pero dahil hindi pa rin niya ako kinakausap kaya si Nanay na lang muna habang galit pa sa akin ang kapatid ko.
Kadarating ko lang galing opisina at habang nagpapahinga, bigla kong na-miss ang pamilya ko. Biglang-bigla na gusto ko silang makita. Siguro dahil sobrang lungkot ng buhay ko rito sa Maynila.
Isang buwan na mula nang ilayo ko ang loob ko kay Vincent. Pagkatapos ng nangyari nang gabing 'yon, umiwas na ako sa kaniya. Maraming beses niyang sinubukan na kausapin ako para mag-sorry, pero hindi ako nakipag-usap.
Isang buwan na pero pakiramdam ko, kagabi lang ‘yon nangyari. Iyong panliliit ko sa sarili ko, sumadsad talaga hanggang
