ELLA
"ANO BA KASING NANGYARI SA LOLO MO, VINCENT?" tanong ng asawa ni Sir Vajo na si Ma'am Joana.
"Hindi ko pa rin po alam, Tita Joana. Hindi pa po kami nagkakausap ni Uncle Bob kung ano ba talaga ang nangyari kay Lolo," sagot ni Vincent na ikinakunot ng noo ng mag-asawang Vanjo at Joana.
"Hindi ba't kasama ka ng Papa sa mansion? Paanong hindi mo alam ang nangyari sa kaniya? Nasaan ka ba nang mangyari iyon?" Sunod-sunod na tanong ni Sir Vanjo.
"May pinuntahan lang ako, Tito."
"Saan? Mas'yado bang importante ang pinuntahan mo para iwanan mo ang Papa na mag-isa?” Mataas ang tono nito.
"Hindi siya mag-isa, Tito Vanjo. Kasama niya si Uncle Bob ng mga oras na iyon. At kung wala si Uncle Bob, hindi po ako aalis para iwan si Lolo na mag-isa." Pangangatwiran ni Vincent na hindi tinangg
