ELLA
HABANG daan, kating-kati na akong kausapin si Vincent. Gusto ko siyang kausapin dahil basta na lamang siyang nagdesisyon na ihatid ako pauwi. Ni hindi man lang niya ako tinanong kung gusto ko bang iwan si Lolo Carlos. Ni hindi niya ako binigyan ng pagkakataon para makapagdesisyon para sa sarili ko.
Pero dahil ramdam ko ang malamig niyang trato sa akin hindi ako makaporma para kausapin ito.
Wala siyang kibo habang nagmamaneho. Nakatutok lang sa daan ang mga mata niya. Ni ang tapunan nga ako maski sulyap ay wala. Napapaisip ako kung may nagawa ba akong masama para bigla siyang maging ganito sa akin. Or posible ring may sinabi si Jiecell at ang daddy niya sa kaniya kaya bigla siyang naging ganito?
Pagod lang siya, Ella. Huwag kang mag-isip ng kung anu-ano. Saka malamang nag-aalala
