ELLA
HABANG LULAN ng elevator, may mga naririnig akong bulungan at mahihinang anas. Mukhang kilig na kilig ang iba dahil nakasabay nila sa elevator ang amo nila. Habang ako, hindi mapakali dahil kahit hindi ko nakikita ay ramdam kong nakatutok lang sa akin ang mata ni Vincent.
Mayamaya'y siniko uli ako ni Katherine at bumulong. “Ano nga ulit ang pangalan?”
“Ella Marquez po.”
Tumawa ito. “Drop that popo, hindi ako boss dito kundi ‘yang nasa tabi mo.” Inginuso pa nito si Vincent na sambakol ang mukha kahit kay-aga-aga.
“Gan’yan ba talaga siya?” Sinadya kong medyo lakasan ang boses ko. Iyong tipong maririnig niya.
“Anong ganiyan?”
“Iyong salubong ang kilay? Parang galit siya, e. Sa tingin mo may kaaway siya?”
Mahinang tumawa si Katherine at muling bumulong. “‘Wag kang maingay.
