ELLA
NAUDLOT ANG plano naming magkakapatid na maglangoy at mag-bonding buong araw dahil sa pagdating ng unwanted visitor.
Kung hindi lang kabastusan, sasabihin ko talaga kay Nanay na huwag pakainin ang lalaking ngayon ay sarap na sarap sa meryendang niluto ni Nanay para sana sa amin kaso siya ang nakinabang.
Kapag nalaman n'yo kung gaano kasama ang ugali niyan, ‘Nay? Baka hindi na kayo mag-abalang asikasuhin ‘yan. Sa loob-loob ko habang pinapanuod si Nanay na asikasuhin ito.
“Saluhan n'yo ako.” Narinig kong alok ni Vincent sa mga kapatid ko. “Sige na, hindi ko mauubos ‘to.”
Si Elma at Eriziah ang lumapit sa kaniya para sumalo sa meryenda. Tumikwas ang kilay ko nang game na game niyang sagutin ang mga tanong ng dalawa.
Napakagaling talagang umakting. Magaling talaga, kaya ka nga n
