ELLA
“SOBRANG TAGAL NAMAN NILA.” Reklamo ni Valeen sa tabi ko.
Mukhang nababagot na siya sa paghihintay na matapos ang kung anong mayro'n sa loob ng silid ni Lolo Carlos.
“Kanina pa ang mga ‘yon, e.” Dagdag pa niya bago tumayo at lumapit sa pinto.
Napangiti ako nang idikit niya ang tainga sa pinto. Sosyal na Marites talaga ang isang ito.
“Ano kayang pinag-uusapan nila, ‘no? Napakataga— Ay!” Malakas na tili nito.
“Valeen!” Mabilis ang kilos na tumayo ako at hinila ito sa damit upang hindi tuluyang mapangudngod sa sahig.
“Oh, my God!” Bulalas niya habang nanlalaki ang mga mata.
Bigla kasing bumukas ang pintong sinasandalan niya. Mabuti na lamang at naging maagap ako sa paghila sa damit niya dahil kung hindi, malamang napangudngod na siya.
“What happened, Hija?” tanong ni Dr.
