ELLA
SA ISANG FILIPINO RESTAURANT ako dinala ni Vincent para kumain. May kalayuan din mula sa hospital na kinaroroonan ni Lolo Carlos. Hindi ko alam kung bakit dito pa kami pumunta, gayong marami namang restaurant sa malapit.
“Thank you.” Pasalamat ni Vincent sa waiter na naghatid ng pagkain namin sa mesa.
May kinse minutos yata kaming naghintay sa mga in-order niya bago mai-serve dahil maraming kumakain sa restaurant na napili niya.
“You're welcome, Sir, Ma'am. Enjoy your meal.” Nakangiting sagot ng waiter bago umalis sa mesa namin.
Mayamaya'y nagsimula na kaming kumain ni Vincent.
Ilang klaseng pagkain din ang in-order niya at lahat iyon ay mukhang masasarap. Hitsura pa lang nakakatakam na. Mas napatunayan kong masarap ang mga pagkain ng matikman ko. Pero dahil sa maya't maya
