ELLA
PAGKATAPOS NG URA-URADANG KASAL na iyon, umalis na kami ni Vincent sa opisina ni Atty. Velasco.
Wala kaming kibuan ni Vincent habang sakay sa kotse niya. Nang mga sandaling 'yon, daig ko pa ang naka-droga dahil hindi ko magawang makapag-isip ng tama. Hindi pa nagsi-sink in sa utak ko kung ano ba ang nangyayari.
Gusto kong isipin na panaginip lang ang lahat ng ito at mamaya ay magigising na rin ako mula sa mahimbing na pagkakatulog.
Sana panaginip lang ito— “Ayy!” Malakas akong napatili nang biglang may sumulpot na L300 sa harapan ng sasakyan ni Vincent.
Mariin akong napapikit kasabay ng malakas na impact na tumama sa unahang bahagi ng sasakyan.
Pakiramdam ko, naalog ang buong katawan ko dahil doon. Ilang sandali kong pinakiramdam ang sarili ko kung may masakit, pero wala na
