ELLA
NAPAPANGITI AKO HABANG NAKATANAW sa labas ng bintana ng bus. Oo, bus. Pauwi ako ng probinsya ngayon dahil sa tulong ni Valeen.
Hanggang ngayon, hindi ako makapaniwala sa lahat ng tulong na ginawa niya para sa akin. Ang sarap lang sa pakiramdam na sa kabila ng pait at sakit na dulot ng letseng pagmamahal ko kay Vincent, may isang taong handa akong iangat muli. Handa akong hilahin paitaas para makaahon.
Nakangiting binalikan ko sa isip ko ang naging pag-uusap namin ni Valeen kanina nang dalhan niya ako ng damit.
“Denial King talaga ang lalaking ‘yon! Sino ba'ng niloloko niya? Sarili lang niya, ‘no?” inis na sabi niya matapos kong ikuwento ang mga nangyari.
Kahit kasi ilang hilamos ang ginawa ko, hindi natakpan ang pamamaga ng mga mata ko nang dumating siya. Hindi niya ako tini
