ELLA
“ATE ELLA.”
Napaiktad ako sa gulat dahil sa biglang pagsasalita ng kapatid kong si Evelyn mula sa likuran ko.
“Bakit ka ba nanggugulat?” Kunwaring asik ko upang pagtakpan ang pagkapahiya dahil mukhang nahuli niya ako sa ginagawang pagtanaw kay Vincent.
Ngumisi ito sabay sulyap sa kinaroroonan ni Vincent.
“Kung nakakatunaw lang ang tingin mo, malamang kanina pa tunaw ang isang iyon.” Sabi nito habang kay Vincent pa rin nakatuon ang tingin.
Napangiwi ako. Nahuli nga niya ako. Tss! Bakit kasi hindi ko naramdaman ang paglapit niya.
Kasi nga mas'yado kang busy sa pagtitig sa lalaking iyon.
Ang guwapo naman kasi niya. Lalo na kapag ang simple ng suot niya. Pakiramdam ko bagay kami. Pero kapag nakapang office attire siya, hindi kami bagay. Nanliliit ako. Napakurap-kurap ako na
