Ibinalik uli ni Yu ang tingin sa lalaki. Natagpuan niya itong pinagmamasdan pa rin siya. Pero wala siyang nakikitang rekognisyon sa mukha ng lalaki na madalas niyang makita sa lahat ng taong nakakasalamuha niya. Hindi siya kilala ng lalaki. Sa gabing iyon, hindi siya si Yu na drummer ng Wildflowers. Isa lamang siyang estranghera na hinihingan nito ng tulong. Kahit pa walang pakiusap sa tono at kilos ng lalaki.
Nakalma si Yu sa kaalamang iyon. When she was young, she hated the fact that she was a nobody. Kaya siya nagsumikap maging matagumpay. Nang naging matagumpay na si Yu, masyado naman iyong naging nakakapagod na nagsimula siyang hilingin na sana normal na tao na lang uli siya. Kahit sandali lang. At iyon siya ngayon sa mata ng lalaking ito.
Humarap uli si Yu sa bar counter at kumawa
