SA SUMUNOD na dalawang araw mula nang unang mapanood ni Yu si Matt na mag-drums ay may napagtanto siya. Mas tahimik si Matt at mas naiilang kapag maraming tao ang nasa paligid. Na para bang may iniiwasan si Matt at takot itong bigla na lang sumulpot doon. Kapag nasa loob sila ng studio kung saan siya tinuturuang mag-drums ni Matt ay madaldal ito—kahit paisa-isang pangungusap lang ito kung magsalita. Masaya na si Yu na kahit paano ay mukhang hindi naiinis si Matt na palagi siyang nakadikit dito.
Dahil din kay Matt, kahit wala si Cham ay hindi na nalulungkot si Yu. Nato-tolerate na rin niya ang gabi-gabi pa ring pag-aaway ng kanyang mga magulang dahil alam niyang kinabukasan ay makakasama uli niya si Matt. Dahil kay Matt, may umusbong na kakaibang sigla sa loob ni Yu. Bigla ay tila nagkaro
