“HUWAG kang sumimangot, Yu, papangit ang makeup mo,” sabi ni Anje ilang minuto pagkatapos siyang maayusan ng makeup artist. Sa araw na iyon ang unang photo shoot nilang buong banda mula nang bumalik sila sa Pilipinas. Kasama sila sa mga musician na ipi-feature ng Exposed Magazine para sa next month issue niyon na “Music Icons of the New Generation.”
“Nakasimangot ba ako?” tanong ni Yu kay Anje.
“Oo kaya. Kanina ka pa parang nagmamaktol. Nakakagulat nga kasi hindi pa kita nakikitang ganyan dati. Right, Steph?” Bumaling si Anje sa kanan nito pero wala roon si Stephanie. “Nandito lang siya kanina, ah,” nagtatakang sabi pa ni Anje na nagpalinga-linga.
Iginala rin ni Yu ang paningin at nakita sa isang panig si Stephanie na kalambingan si Oliver.
“Hayun si Stephanie, flirting with her fia
