NAABUTAN ni Yu si Matt ilang bloke ang layo mula sa apartment complex ni Aling Melai. Nakatalikod ito sa kanya at may kausap sa cell phone. Kahit nakatalikod si Matt ay nararamdaman pa rin niya ang tensiyon ng lalaki. Napabuntong-hininga si Yu at tinitigan lamang ito. Nang ibaba ni Matt ang cell phone ay saka lang lumapit si Yu.
“Matt,” tawag ni Yu.
Napaderetso ng tayo si Matt at bumaling kay Yu. Napansin niya agad na kontrolado na uli ni Matt ang ekspresyon sa mukha nito. Wala na ang pait at sama ng loob sa mga mata ni Matt.
But she knew better. Alam ni Yu na katulad niya rin si Matt noon. Magaling magtago ng tunay na nararamdaman.
“Gusto mo pa rin bang mag-lunch kasama ako?” tanong ni Matt.
Tinitigan ni Yu ang mukha ni Matt. “Hindi mo puwedeng bale-walain ang lahat na parang wala
