HALOS hindi nakilala ni Yu ang lugar nila nang magpunta siya roon. Binagalan niya ang pagpatakbo ng kotse at napatingin sa compound na dati ay slum area. Wala nang nakatayong mga bahay at napapalibutan ang compound ng matataas na bakod na barbed wire. Wala na ang compound kung saan siya lumaki. Hindi akalain ni Yu na magiging posible, pero ngayong wala na iyon ay nakaramdam siya ng lungkot at panghihinayang. Kahit na wala siyang magandang alaala roon ay naging bahagi pa rin iyon ng kanyang kabataan.
May mga construction worker sa loob ng bakod na barbed wire na tila nililinis ang paligid. Nang marating ni Yu ang dating kinatatayuan ng maliit na building ni Aling Melai ay guho na lamang ng building ang naroon. Inihimpil niya ang kotse sa gilid ng kalsada at saka bumaba. Naka-dark shades at
