تغاضى حمزة عن سخريتها منه رغما عنه لاضطرابه الشديد فبدأ يسرد على مسامعهم ذكرياته التي تجست و كأن الروح بُثت فيها بداخله لتؤلمه و قال :
- من تلاتة و عشرين سنة كنا عايشين حياة مليانة حب حياة عادية زي كل اسرة اب و ام بيحبوا بعض و معاهم ابنهم الوحيد لحد ما الاب بدأ يتغير و يتأخر فشغله و مبقاش طايق قعدة البيت و بقا لو قعد يفضل يتخانق مع مراته و ابنه ، و وصل الامر بيه انه يض*بهم و يهينهم لحد ما اتعرف السبب اللي كان فهيئة شيطانة اسمها عزة دخلت حياة والدي و خلته يهملنا و مبقاش طايقنا ، و فيوم والدي دخل البيت علينا زي المجنون مسك والدتي من شعرها و ض*بها و فضل يصرخ فيها و يقول لها يا خاينة مرمغتي شرفي فالطين و جبتي لي عيل من الحرام و كتبتيه باسمي امي يومها حلفت له على المصحف أني ابنه و انها عمرها ما خانته فخرج صور ليها و معاها واحد فحضن بعض و خلاني اشوفهم ، وقتها كان عندي تلاتشر سنة شوفت الصور و ك
