Miguel POV
Wala pang isang oras nang marating ko ang bukana ng mansyon nila Lucio. Walang pagdadalawang isip akong bumaba dala ang isang hand gun daig ko pa ang papasok sa kulungan ng mga lion. Dahil alam kong pwede ko itong ikamatay. Pero hindi ako papayag na hindi man lang ako makaganti bago mangyari iyon. Papasok na ako ng mansyon nang magkaroon ako ng hindi magandang kutob. Dahil walang katao-tao sa paligid. Wala ang mga armadong tauhan ni Lucio. Nakakabingi din ang katahimikan ng lugar. Inikot ko ng mga mata ko ang paligid ng labas ng bahay nila nakataas ang aking baril at nakatutok sa harapan kung sakali mayroong sumulpot na kalaban ay agad ko itong papuputukan. Ngunit naikot ko na ang labas ng bahay ay wala akong nakita na kahit isang anino. Imbis na umalis ay ipinasya kong pumasok
