Miguel POV
Bigla akong nagising dahil sa ingay na nagmumula sa pagkalampag ng isang naka uniporme na pulis sa ibabaw ng mesa sa aking harapan. Kunot noo ko siyang tinignan. Kanina lang ay nasa selda ako. Ngayon ay nasa bakanteng selda na ako. Luma at kinakalawang na ang bakal. Madumi at mapanghe ang sahig. Butas-butas na din ang yero na bubong.
“Mabuti naman at gising ka na.” Nakangisi niyang sabi sabay sindi ng kanyang sigarilyo sa bibig. Nagpakawala siya ng usok sa aking mukha. Nakaposas na din ang kamay ko sa harapan.
“Anong kailangan niyo sa akin? Sino nag-utos sa inyong gawin to? Alam niyo bang labag sa batas ang ginagawa niyo?” Sunod-sunod na tanong ko sa kanya. Hindi ako natatakot sa kung ano man ang gusto nilang gawin sa akin. Ang mas kinakatakot ko ay mamatay ako dito ng wala
