Miguel POV
Nagawa kong pakalmahin ang aking sarili sa kabila ng lahat para na rin kay Mia at kay Ate Lisa. Hindi ako maaring maging mahina sa paningin nila dahil ako na lamang ang natitira nilang pamilya. Pumasok ako sa loob ng banyo para maligo. Itinapat ko ang aking katawan sa maligam-gam na tubig na nagmumula sa shower hinayaan ko lang ito sa pag-agas habang nakapikit ako at pilit na inaalis sa aking isip ang kaawa-awang kalagayan ni Lhira kanina. Wala na si Kuya at si Papa kaya kailangan kong magpakatatag. Makalipas ang kalahating oras ay nagbihis ako ng pantalon at puting t-shirt. Pagkatapos ay bumaba na ulit ako sa sala. Pinagmasdan ko si Mia na naglalaro lang ng manika sa tabi ni Ate Lisa. Nasa sala din si Lucas at umiinom ng alak. Panaka-naka ang pag-uusap nilang dalawa. Umupo ako
