Malalim na ang gabi pero dilat na dilat pa rin ang mga mata ko. Hindi ako dinadalaw ng antok sa hindi ko malaman na dahilan. Marahil ay nasosobrahan ako sa pag-iisip kahit hindi naman dapat.
Maingat akong bumangon sabay kuha sa cellphone ko at humakbang ako palabas hanggang sa makarating ako sa hapagkainan nitong kubo.
Hinanap ko ang numero ni Asher sa contact number ko bago ko pinindot ang call button.
Isang ring pa lang ay sinagot na agad ni Asher ang tawag ko.
“Ba't gising ka pa?” bungad na tanong sa akin ni Asher. “Bawal kang magpuyat, ‘di ba?”
“Ash, sino ‘yong babaeng nagpunta diyan kanina?” kunwa'y wala akong alam. Gusto ko lang malaman kung alam niya ba na mag-ina kami nang babaeng sumugod sa bahay ni Revas o tanging si Revas lang ang nakakaalam. “Umalis na ba siya?”
“Mabuti
