Bago dumating sina Asher, Huxley at Lionel ay wala na ang mommy ko sa labas.
Siguro nakita niya na may mga pulis na kasama sina Asher kaya bigla siyang tumakbo paalis.
Halos magdamag tuloy akong walang tulog dahil sa pag-aalala na baka sunugin niya itong kubo.
Narinig ko kasi na nagbanta siya kanina na kapag hindi daw lumabas si Revas ay susunugin niya itong kubo para lang mapalabas si Revas.
“Ayos ka lang ba?” tanong sa akin ni Revas na sinagot ko ng tango.
"Ayos lang ako, Rev. Mabuti na lang Hindi niya sinunog itong kubo mo."
"Subukan niya lang na sunugin 'to, itutulak ko rin siya sa apoy para madamay siya na matupok," seryosong sabi ni Revas.
“Dude, doon na kaya muna kayo sa bahay?” suhestiyon ni Asher pero umiling si Revas. “Bakit? Sigurado akong babalik ulit ang babaeng ‘yo
