Kagaya ng napag-usapan namin ni Revas ay isinama niya nga ako sa bukid sa unang pagkakataon.
Nakita ko na hindi bababa sa isang daan ang tauhan ni Revas dahil sa sobrang dami ng tao pagpunta namin.
May nag-aani ng palay, mais, mangga, mani at kung ano-ano pa.
Gusto ko sanang tumulong pero hindi ko alam kung saan ako magsisimula lalo pa't hindi binibitiwan ni Revas ang kamay ko.
Lahat ng tao ay napatingin sa amin lalo na sa akin pero agad din na nagbawi sabay iwas na para bang biglang natakot ang mga ito no'ng magsalita si Revas.
“Kumusta po rito, Mang Berting?” tanong ni Revas sa matandang lalaki na sumalubong sa amin. “Ayos lang po ba ang mga tao natin?”
“Mas maganda ang ani natin ngayon kumpara noong nakaraang taon, Hijo,” sagot ng matanda.
Kunot ang noo na tiningan ni Revas si
