Hindi muna ako sumama kay Revas dahil masama ang pakiramdam ko ngayon. Napagod kasi ako ng husto kahapon dahil tumulong ako sa bukid.
Siguro nabigla ang katawan ko dahil umaga ako nagsimula tapos gabi na kami umuwi.
Pero, kahit masakit ang katawan ko ay pinilit ko ang sarili kong kumilos para maglaba ng mga marurumi naming damit.
Kapag kasi hindi ako naglaba, si Revas na naman ang maglalaba ng mga damit namin kahit pagod na siya sa bukid.
Ayaw nga sana akong iwanan ni Revas pero hindi ako pumayag dahil ngayon ang schedule ng meeting niya sa mga tauhan niya at salo-salo na rin.
Maganda ang naging ani ngayong taon kaya lahat kami ay masaya kahit pa wala naman akong ambag.
Triple raw kumpara noong nakaraang taon kaya naman naisipan ni Revas na dagdagan ng sahod ang mga tauhan niya pa
