Naging masarap ang tulog ko dahil nga naging komportable ako buong gabi.
Mayroon na kasi kaming maayos na kuwarto at malamig pa dahil bumili talaga si Revas ng aircon kaya napasarap ang tulog ko.
Hindi ko akalain na ala-una na ng hapon ako magigising.
Wala na si Revas sa tabi ko dahil maaga itong gumigising. Araw-araw kasi ay umaalis ito para pumunta sa bukid.
Paglabas ko mula sa kuwarto ay nanlaki ang mga mata ko dahil sobrang linis na ng paligid. Wala na ang mga damo at wala na rin ang mga manok!
Siguradong magagalit sa akin ang lalaking ‘yon dahil sa kapabayaan ko.
Patakbo akong bumalik sa kuwarto ko dahil balak kong tawagan si Revas pero agad din akong napapreno no'ng maalala ko na wala nga pala akong contact number ng lalaking ‘yon.
Nang may tumahol na aso ay mabilis akong
