Nagising ako ng alanganin oras nang makaramdam ako ng uhaw kaya naman maingat kong inalis ang kamay ni Revas na nakapulupot sa baywang ko para hindi ko siya magising.
Kaunting galaw ko lang kasi ay nagigising agad siya sa pag-aakalang mayroon akong problema.
Pagkainom ko ng tubig ay hindi muna ako bumalik sa higaan bagkus ay sa duyan ako dumiretso.
Nang lapitan ako ni Miro ay isinakay ko na rin siya kaya ngayon ay dalawa na kaming nakasakay sa duyan.
“Ba't gising ka na?” Napasigaw ako nang biglang magsalita si Revas sa likuran namin ni Miro. Sa lakas ng sigaw ko ay napatahol tuloy si Miro. “Ala-una pa lang, ah.”
“Nauhaw kasi ako kaya bumangon ako para uminom ng tubig,” sagot ko sa kaniya. Hindi ko alam kung bakit lumilinga-linga siya sa paligid na para bang may hinahanap siya. “Rev
