Hindi mapigilan ni Dwight ang mapa halakhak nang mabasa niya ang reply ng mga kaibigan ni Saraya sa mga pictures na sinend niya sa mga ito. Wala naman sana talaga siyang balak na patulan ang kalokohan ng mga ito pero dahil nairita siya sa sinabing ipakikilala si Saraya sa ibang lalaki kaya pumatol na siya at pinagsabihan na rin ang mga ito.
Kaya nang mapansin niya si Saraya na kanina pa silip nang silip sa labas at mukhang may inaabangan ay napapangisi siya. Siguradong hindi na pupunta ang mga kaibigan nito at yayayain itong pumunta sa ilog dahil pinagbawalan at pinagsabihan na niya. Tinakot pa niya ang mga kaibigan ni Saraya na isusumbong sa mga magulang nito ang ginagawang lihim na pakikipag kita sa ilog. Mukhang natakot naman ang mga ito at pumayag sa gusto niya.
Hindi akalain ni Dwig
