Hindi maiwasan ni Dwight ang mapahilot sa sentido habang papasok sa bistro kung saan magkikita sila ng kaibigang si Rike Gozon. Hilong-hilo siya sa byahe dahil bukod sa puyat niya sa nagdaang gabi ay napilitan pa siyang replayan nang replayan ang inaanak niyang si Saraya. Para tuloy siyang masusuka na hindi niya maintindihan. Kaya nang makaupo siya sa table kung saan nakaupo na at naghihintay si Rike ay hindi na niya napigilan na magtawag ng staff para humingi ng tubig.
“What happened to you, Dwight? Are you suffering from a hangover or something?”
Hindi na siya nagulat nang narinig na nag-usisa si Rike. Siguro ay mukha siyang lantang gulay dahil sa nararamdamang hilo sa byahe kaya nakapag tanong ito ng gano’n.
Mabilis na umiling siya at tinukod ang siko sa table habang hinihilot ang se
