Kung kanina ay parang gustong pagsisihan ni Dwight ang ginawa niyang pagpunta sa bahay nina Isabel, ngayon na may kung ano siyang nalaman tungkol kay Isabel ay parang wala na siyang balak na umuwi na hindi nalalaman ang totoong pinagkakaabalahan nito.
Ang sabi ng inaanak niyang si Saraya ay napapadalas ang pag-alis ng ina nito. At kung kaya nitong paniwalain ang anak nito na trabaho ang dahilan ng madalas na pag-alis nito, siya ay hindi nito mapapaniwala. Lalo na at nakahanap na siya ng lead kung saan siya pwedeng magsimula sa pag-iimbestiga sa mga ginagawa ni Isabel.
Saglit na nagpaalam siya sa inaanak niyang si Saraya para kumpirmahin ang isang bagay. Hindi niya maintindihan kung bakit bukod sa kanya ay kilala ni Isabel si Rike Gozon, ang kaibigan niyang isang police officer. Anak si R
