Iniikot-ikot ni Dwight at pinaglalaruan sa kamay niya ang calling card na binigay sa kanya ng kaibigang si Rike Gozon noong nakaraan.
Isang linggo na ang matuling lumipas simula noong nagkita sila nito at hindi niya mapigilang mag-isip sa tuwing ipapaalam sa kanya ng inaanak niyang si Saraya na wala na naman sa bahay ang Mama nito.
Ayon kay Saraya ay halos araw-araw nang umaalis sa bahay si Isabel para magtrabaho. Hindi naman daw ito ginagabi ng uwi pero pagkagaling sa trabaho ay kakain lang daw ito ng hapunan at pagkatapos ay nagkukulong na sa kwarto para magpahinga.
Kahit ang anak nitong si Saraya ay nababahala na sa mga kinikilos nito. Hindi tuloy matahimik si Dwight at mas lalong tumitindi ang hinala niya na may ginagawa itong kung ano. Natutukso na naman tuloy siya na tawagan ang n
