Hindi makapaniwala si Dwight habang nakatingin sa inaanak niyang si Saraya. Akala niya ay sinundan lang siya nito dahil hindi siya nakapag paalam ng maayos dito bago siya umuwi. Hindi niya inaasahan ang sasabihin nito at mas lalong hindi niya inaasahan ang paghingi nito ng address niya sa Maynila!
“Anong sabi mo, Saraya?” Hindi talaga niya maintindihan at mas lalong hindi siya makapaniwala na tinatakot siya nito.
“Ibigay mo sa akin ang address mo sa Maynila, Ninong. Kung hindi ka na bibisita dito ay ako ang bibisita sa’yo sa Maynila…” diretsong sagot nito kaya mas lalong umawang ang bibig ni Dwight.
Ilang sandali pa siyang napatitig dito at umasang babawiin nito ang sinabi nito pero hindi nito iyon ginawa. Matapang na nakatingin lang ito sa kanya habang tila hinihintay ang magiging sago
