“Saan ba dito sa inyo?” gamit ang kanyang sasakyan binaybay namin ang lugar kung saan makikita ang mansyon ni Ms. Illuna. Mabagal niyang pinapatakbo ang kanyang sasakyan habang tinatanaw ang kahabaan ng daan at bawat mansyon.
“Malapit na tayo, huwag mo lang bilisan ang pagtakbo ng sasakyan, Oier.” Ani ko. May kaunting kaba ang bumabalot sa aking isipan. Hindi ko makita ang hinaharap kung ano ang magiging reaksyon ni Ms. Illuna pag nakita si Oier. Ngunit, sigurado roon ang pagkagulat.
“Bakit hindi mo kabisado ang lugar na ito?” kunot noo niyang tanong. “Hindi ka ba rito lumaki?” sumulyap siya sa akin. Isa sa mga klaseng tanong na hindi ko masasagutan. Walang sinabi sa akin si Ms. Illuna kung ano ang buhay ng isang Celestine Zhao.
Nais kong sisihin ang sarili kung bakit hindi ko napigil
