NIYAYA ni Mr. Ling Zhao si Oier na uminom ng alak nang sumapit ang alas nwebe ng gabi sa harap ng pool sa likuran ng kanilang mansyon. Sa harapan nila ang mahabang mesa na may nakalapag na mga prutas at mahahaling inumin na ayon kay Ms. Illuna’y galing pa raw ng europa.
Nakatanaw lang ako sa pool at hindi nagsasawang mamangha sa kulay asul at gintong liwanag mula roon sa ibaba. Sa giliran nito ang mga tanim ng bulaklak ngunit hindi ito malapad kumpara mansyon ni Oier.
Napalingon ako kay Ms. Illuna nang marinig ang malakas niyang paghalakhak. Namumula ang kanyang mukha habang hawak hawak sa kamay ang baso na naglalaman din ng alak. Bumaling siya sa akin ilang sandali at sinalinan ang malinis na baso at saka ito inabot sa akin. “Try this, Celestine. Masarap ito...” aniya. Kinuha ko ngunit
