Sa isang malawak na silid ng balkonahe hindi kalayuan sa silid tulugan ni Oier, tumungo sina Maestra Prima at Oier upang mag usap. Nilapag ng ginang ang kape sa maliit na mesa sa kanilang harap habang si Oier ay naka dekwarto ang pag upo at nanliliit ang mga matang tinatanaw ang malawak na saklaw ng mansyon.
Umupo naman si Maestra Prima pagkatapos mailapag ang munting tray sa mesa. “Mainam ang kape para sa malamig na panahon, Oier.” Ani nito sa pamangkin. Ngumisi naman si Oier at kinuha na rin ang kape. Umuusok ito sa init at tama nga si Maestra Prima, nabawasan ang lamig na nanunuot sa kanyang balat nang dumaloy paibaba sa kanyang sikmura ang naturang kape.
“Salamat, auntie.” Wika niya.
Tumango naman si Maestra Prima at bumaling na rin sa lupain, partikular sa taniman ng bulaklak. “Nap
